Vi har fått ny nettstad. Denne nettstaden blir ikkje lenger oppdatert. Du finn oss på statsforvaltaren.no.
Utlysing av midlar til regionale klima- og miljøtiltak 2026
Prosjekt som kan bidra til å løyse våre regionale utfordringar på klima- og miljøområdet kan få økonomisk støtte frå Statsforvaltaren i Rogaland. Frist for å søkje er 15. mars.
Publisert 28.01.2026
Statsforvaltaren i Rogaland har fått 1 100 000 kroner frå klima- og miljøprogrammet (KMP) til å støtte regionale prosjekt i 2026.
Regionale prioriteringar
Søknadar som støttar strategiar i regionale planar og i Regionalt miljøprogram kan få støtte. I 2026 ønskjer vi særleg å få inn søknadar på følgjande område:
- Fellestiltak som mobiliserer jordbruket til auka miljøinnsats for redusert tap av næringsstoff til sårbare vassdrag. Hålandsvatnet er særleg prioritert.
- Prosjekt som styrkar klimavenleg driftspraksis i jordbruket.
- Prosjekt innan følgjande tema:
- Handtering av husdyrgjødsel. Til dømes digitalt kjøp og sal av husdyrgjødsel og hestegjødsel
- Vipe
- Kystlynghei; organisering til felles skjøtsel, osv.
- Mobilisering for pollinatortiltak
- Fangvekstar i ulike produksjonar
- Bruk og effekt av biokol
- Reinseteknikkar for vaskevatn frå landbruksbygg, til dømes fjørfe
- Landbruksplast, handtering og mobilisering av innsamling osv.
- Kartlegging av miljøkonsekvenser i forbindelse med jordflytting/deponier
Statsforvaltaren kan støtte inntil 75 prosent av den totale kostnadsramma for prosjektet, og vi viser til retningslinjene for ordninga.
Søkje tilskot
På Altinn.no finn du skjemaet "Klima- og miljøprogrammet (KMP) - tilskudd til fylkesvise tiltak". For å søkje prosjektmidlar må du logge inn med riktig rolle i Altinn, og fylle ut skjemaet. Du må ha rolla "Primærnæring og næringsmidler" eller ha tilgang til tenesta, sjå rettleiing på Altinn.no.
Søknadsfristen er 15. mars.
Alle kan søkje på midlar igjennom klima- og miljørprogrammet, både privatpersonar, føretak, og kommunar. Alle som arbeider med kunnskapsutvikling eller kunnskapsformidling kan søkje om tilskot, til dømes fag- eller næringsorganisasjonar, institusjonar som driv med utgreiing eller forsking, eller andre føretak.
Prissetting av eigeninnsats: Timesats blir rekna ut frå 1,2 promille av brutto årslønn, maks. 800 kroner per time.
Statsforvaltaren kan i særlege tilfelle fråvike frå timesats og krav om eigenandel.
